|
Pillugu: NUSUKA-p ataatsimeersuarnissaa 2011.
NUSUKA-p Ataatsimeersuarnissa pissaaq arfininngorneq 22. Januar 2011
Matumuuna ilaasortat aammalu siulersuisut ilaannit qinnutigineqarmat ataatsimeersuarnissap kinguartinneqarnissaa taava minnerpaamik qaammat ataatsimik Nusuka-p ataatsimeersuarnissaa kinguartinneqarpoq.
Ulloq suna pissanersoq qaammammik ataatsimik sioqqullugu nalunaarutigissavarput.
aamma internetimi quppernerput aqqutigalugu malinnaasoqarsinnaavoq: www.nusuka.com.
Ikinngutinnersumik inuulluaqqusillunga
Gerth B. Lynge
Siulittaasoq
%
§ 6.
Ataatsimeersuarneq
Ataatsimeersuarneq kattuffiup susassaqarfigisaani tamani qullersaavoq.
Imm. 2: Ataatsimeersuarneq ukioq allortarlugu (ukiut marlukkaartumik) pisassaaq.
Imm. 3: Siulittaasoq ataatsimeersuarnissaq qaammatinik marlunnik sioqqutsisumik ataatsimeersuarnermut qaaqqusisuusassaaq.
NUSUKA-p SIK-llu akornanni isumaqatigiissutit nutaat
NUSUKA SIK-lu ulloq 24. april 2009 ukiunut tulliuttunut pingasunut (2009-2012) atuuttussanik nutaannik isumaqatigiissuteqarput.
Maannamut isumaqatigiissutaasimasunut allannguut anneq tassaavoq suliffeqarfiit (branche-t) sorliit pineqarnersut erseqqinnerusumik immikkoortiterneqarsimammata, soorunami akissaatitigut aaqqiissutissat ilanngullugit.
Isumaqatigiissutit tusarniaassutigineqartut ilaasortat quppernerini takukkit.
Aalisarnermik inuutissarsiutillit ataatsimoortariaqalerput
Qangatut eqqarsarneq qimanneqartariaqalerpoq, tassa aalisartuaqqat aalisartorsuillu immikkut soqutigisaqarsorinerat piniarnermillu inuutissarsiutillit aalisartullu soqutigisaqaqatigiissorineqarnerat qaanngerneqartariaqarpoq.
APK-p (Avataasiutinik Piginneqatigiiffiit Kattuffiat) ullormiit ullormut ukiualuit qaanngiuttut imminut atorunnaarsinnerata kingorna aalisarnermik inuutissarsiuteqartut annertuumik avissaartuullutik kattuffinnut assigiinngitsunut maanna inissitsitersimalerput.
NUSUKA aamma taamak katersuuffittut ingerlavoq. Taamaattoq NUSUKA-p iluani ataasiarnani nassuerutigineqarlunilu eqqartorneqartarpoq tamanut ataatsimoorfeqannginneq inuutissarsiummut arlalitsigut sanngiillisaataasoq, minnerunngitsumik pisortat eqqarsaatigalugit oqariartorfiginiartarnerat ersernerlussiartuinnartutut taasariaqartoq.
Aalisarnermik inuutissarsiutillit akornanni avissaartuuneq ullutsinni nunarsuarmi aningaasarsiornikkut ajornartorsiornarsiartuinnartumi peqqinnanngilluinnartutut NUSUKA-p isigaa, aaqqiissuteqartariaqalernerlu nukinginnartutut isigalugu, inuutissarsiut siunissamut qulakkeerunniarneqarlunilu patajaatsumik ineriartortinneqassappat.
Taamaattumik aalisarnermik ingerlatsisut akornanni inuttut isumaqatigiinngissutit akimorlugit aaqqissuussisoqartariaqarpoq, aalisartut ersarinnerusumik inuutissarsiutaasa oqariartortarfiliuunnissaa qulakkeerullugu.
Qangatut eqqarsarneq qimanneqartariaqalerpoq, tassa aalisartuaqqat aalisartorsuillu immikkut soqutigisaqarsorinerat piniarnermillu inuutissarsiutillit aalisartullu soqutigisaqaqatigiissorineqarnerat qaanngerneqartariaqarpoq.
"Nunatsinni inuutissarsiut avammut tunisassiornermik ullu manna tikillugu isumalluutituarisarput nukittuummik ataatsimoorfissarsiuunnissaa pimoorullugu aallartittariaqarlerparput. Minnerunngitsumik siunertaqanngilaq Royal Greenland-i Polar Seafood-ilu kattuffissaqanngitsutut misigisimassappata, maannalu namminneq kattuffiit avataasigut ingerlaniarsaralutik. Taamak avissaartuuneq siunissamut qulakkeerinninnerunngilaq.” Ole Aggo Markussen, NUSUKA-p pisortaa oqarpoq.
Ole Aggo Markussen-illu oqaatigaa NUSUKA kattuffiit akimorlugit pineqartullu peqatigalugit suleriaqqinnissamut piumassuseqartoq.
Codan aamma NUSUKA
 Codan-imut sillimmasiinermut tunngasut ilaasortat quppernerini piareerput. Quppernerit aqqutigalugit toqqaannaq Codan neqerooruteqartissinnaavat. Ilaasortat qupperneri allakkakkit. Ileqqaarusukkuit takanna.
Codan og NUSUKA
Diverse forsikringer med Codan er nu klar til brug i medlemssiderne. Du kan via siderne få direkte forsikringstilbud fra Codan. Kig forbi medlemssiderne. - Og spar penge.
Nunaqavissut soqutigisavut
Nunaqavissut Suliffiutillit Kattuffiat suliffiutilinnut kiffartuussisuuvoq.
NUSUKA sulivoq politikkikkut allatigullu sunniuteqarniarluni ilaasortat suliffeqarfiutaasa ineriartorluarnissaat illersorneqarnissaallu anguniarlugit.
 Pingaarportaaq aningaasarsiornikkut ineriartornissaq, nassaarsarsiullaqqissutsi naammassisaqarsinnaassutsilu akorfartussallugit. Ilaasortat sinnerlugit naalakkersuisunut, pisortanut, kattuffinnut, inuiaqatigiinnut soqutigisaqaqatigiinnullu allanut ilaasortat soqutigisaat illersorniarlugit apuusiuartuuvugut.
NUSUKA kattuffiuvoq ilaasortat toqqaannaq ilaasortaaffigisaat taamatullu sunniuteqaqataanissamut periarfissarpassualik. Ilaasortat aamma piumassuseqartut peqatigiiffiliorsinnaapput soqutigisaqaqatigiittut qanigisaqaqatigiittulluunniit katersuuffigisinnaasaminnik. Tamanut attaveqaasiortuuvugut.
Nunatsinnut takorluugaraarput unammilleqatigiinneq ammasoq oqumaaqqatigiisorlu aqqutigalugit nunatta aningaasarsiornikkut ineriartornera ikorfartussallutigu inuuniarnikkullu inuiaqatigiinnut tamarmiusunut atugassarititaasut pitsanngorsartuarneqarnissaanut peqataasalluta.
NUSUKA kattuffittut tamanut katersuuffissatut pilersinneqarsimavoq, suliffiutillillu soqutigisaat isumaallu NUSUKA'p nittarsaattuarpai. Susoqarfiusuni amerlasuuni peqataatitaqarnertigut nunatsinni suliffiutillit nipaat nukittuummik inissisimalluta apuuttuarpavut.
Quppernerni ukunani paasissutissat tunngaviunerusut nanissaapput. Apeqqutissaqaruit attaveqarfigiinnartigut.
Ilaasortanngornissamut patsisissaqqissut arfineq-marluk alakkakkit.
| 
